Շիրակի մարզում փակ ճանապարհներ չկան, մի շարք ճանապարհներ դժվարանցանելի են: Այս մասին տեղեկացրին Շիրակի մարզպետարանից: Առատ ձյան և չդադարող բքի պատճառով Շիրակի մարզի ճանապարհները սպասարկող 4 կազմակերպություններն աշխատում են արտակարգ ռեժիմով: Ճանապարհները մաքրելու և աղավազային խառնուրդով մշակելու համար պատրաստության են բերված կազմակերպությունների ողջ տեխնիկան ու աշխատուժը:
Դժվարանցանելի են Գյումրի-Բավրա, Գյումրի-Ամասիա-Շաղիկ, Գյումրի-Ջաջուռ ճանապարհահատվածները, Աշոցք-Բավրա ճանապարհահատվածում խիստ բքի պատճառով վատ տեսանելիություն է:
Գյումրի-Երևան ճանապարհը երթևեկելի է, միայն որոշ հատվածներում առկա է մերկասառույց, այս պահին ևս ընթանում են ճանապարհի մաքրման ու մշակման աշխատանքներ:
