Բնական ճանապարհով առաջացած սկավառակը, որն անցյալ շաբաթ հայտնվել է Մեն նահանգի Ուեսթբրուք քաղաքի Փրեսամփսքոթ գետի վրա, գրավել է հետաքրքրասեր քաղաքացիների ուշադրությունը, որոնց հետաքրքրել է դրա առաջացման պատճառները:
Ուեսթբրուքը գտնվում է Պորտլենդի արևմուտքում, որտեղ 17500 մարդ է բնակվում: Քաղաքային իշխանությունները հուսով են, որ սառցե սկավառակը կկարողանա իրենց քաղաքի նկատմամբ հետաքրքրություն առաջացնել զբոսաշրջիկների շրջանում, ինչը դրական ազդեցություն կունենա տեղի բնակչության եկամուտների վրա:
«Եթե դուք պատրաստվում եք այսօր տնից դուրս գալ, որպեսզի տեսնեք դա, անպայման այցելեք քաղաքի կենտրոնում գտնվող մոտակայքի բազմաթիվ սրճարաններից մեկը»,- գրել են քաղաքի ներկայացուցիչները իրենց Facebook-յան էջում:
