Անցած տարի ԱՄՆ-ի քաղաքացիները դեղորայքի ծախսերից 26 մլրդ դոլար են խնայել: Այս մասին Twitter -ի իր էջում գրել է ԱՄՆ նախագահ Դոնալդ Թրամփը:
Նա ընդգծել է, որ վերջին 50 տարում առաջին անգամ ԱՄՆ-ում դեղորայքի գները նվազել են:
«Իմ վարչակազմի առաջին 19 ամսվա ընթացքում ամերիկացիները դեղորայքի ծախսերից 26 մլրդ դոլար են տնտեսել: Առավել էժան, չպատենտավորված դեղորայքը շուկա դուրս բերելու մեր քաղաքականությունը գործում է»,-գրել է ԱՄՆ առաջնորդը:
Նշենք, որ 2018-ի մայիսին Թրամփը հայտարարել է, որ ԱՄՆ-ում մանրածախ դեղորայքի գների նվազեցման արշավ է սկսում:
