«Առաջին լրատվական»-ի «Մամուլի հետ սուրճ» հաղորդման այսօրվա հյուրն է փոխվարչապետի պաշտոնակատար Տիգրան Ավինյանի մամուլի քարտուղար Վահան Հունանյանը:
Մեր զրուցակցի խոսքով՝ իրենց աշխատանքում իրենք փորձում են մաքսիմալ թափանցիկ լինել, քանի որ իշխանությանն ընտրել է ժողովուրդը, և ժողովուրդը պետք է իմանա, թե իր ընտրյալներն ինչով են զբաղվում և ինչպես են կառավարում երկիրը. «Աշխատանքի առանձնահատկությունն այնքանով է հետաքրքիր, որ նախկին համակարգը ըստ էության քանդվեց, և ստեղծվեց նորը: Նախկինում հնարավոր է բազմաթիվ հրապարակումներ լինեին, որոնց, սակայն, որևէ ուշադրություն չդարձվեր»:
Վահան Հունանյանը ընդգծեց՝ առանձնահատկություններից մեկն էլ այն է, որ հաճախ սուտ տեղեկատվություն է տարածվում՝ որոշակի շահեր հետապնդելով, որոնց պետք է արագ արձագանքել: «Իշխանությունների պատասխանատվության հետ մեկտեղ ԶԼՄ-ները ևս պետք է պատասխանատվություն ունենան, այսինքն՝ չպետք է գրեն այն ամենը, ինչ մտքներին փչում է»,- ասաց նա՝ հավելելով, որ բնակչության հիմնական մասը տեղեկատվություն ստանում է ԶԼՄ-ներից, և անընդհատ սուտ տեղեկատվություն տարածելով՝ մենք կհայտնվենք սուտ հայելիների թագավորությունում:
Հարցազրույցն ամբողջությամբ՝ տեսանյութում:
