Քրդական խմբավորումներն ու թուրքական բանակը հույսեր են կապում Ռուսաստանի հետ Սիրիայի տարածքում խնդիրների լուծման հետ, որոնք ծագել են ԱՄՆ նախագահ Դոնալդ Թրամփի տարածաշրջանից զորքերը դուրս բերելու մասին կտրուկ որոշումից հետո, գրում է The Washington Post-ը:
Քրդական աղբյուրների համաձայն, նրանք արդեն օգնության խնդրանքով դիմել են ռուսաստանյան կողմին՝ սիրիական կառավարության հետ գործարքի կնքման հարցում: Այսպիսով, քրդերը փորձում են կանխել թուրքական ուժերի հարձակումը. այդպիսի սպառնալիք կա կապված ամերիկյան զորքերի դուրսբերման հետ:
Այս ամենը ենթադրում է, որ Ռուսաստանը Սիրիայում կամպրապնդի իր գերիշխող դերակատարումը, գրում է WP-ն:
Քրդական առաջնորդներից մեկը, «Ժողովրդավարական միություն» կուսակցության ներկայացուցիչ Սալեհ Մուսլիմը WP-ին ասել է, որ Մոսկվան որևէ պարտավորություն չի ստանձնել քրդերի Սիրիայի կառավարության հետ գործարքի աջակցության հարցում:
«Մենք ռուսներին փոխանցել ենք մեր ճանապարհային քարտեզը և պարզապես սպասում ենք որոշմանը»,- ասել է քրդերի ներկայացուցիչը:
