Հյուսիսային Կորեայի իշխանությունները որոշում են կայացրել 10 ամսով դադարեցնել բոլոր համալսարանների աշխատանքը և ուսանողներին ուղարկել դաշտեր և գործարաններ: Այս մասին գրում է The Daily Telegraph-ը:
Իշխանությունները հայտարարել են, որ մինչև 2012 թ., երբ երկիրը նշելու է Հյուսիսային Կորեայի հիմնադրի 100-ամյակը, երկիրը պետք է դառնա «հզոր, բարգավաճ»: Հարավային Կորեայի լրատվամիջոցները հաստատել են, որ համալսարանները դադարեցրել են բոլոր աշխատանքները, բացառություն է արվել օտարերկրյա ուսանողների, ինչպես նաև նրանց համար, ովքեր առաջիկա ամիսներին ավարտելու են ուսումնառությունը:
Հիմնական պատճառը, ենթադրվում է, այն է, որ կա ուսանողական հեղափոխության հավանականություն, ինչը ուզում են կանխարգելել իշխանությունները: Տոկիոյի համալսարանի պրոֆեսոր Տոշիմիցու Շիգեմուրան ասել է, որ Հյուսիսային Կորեայի իշխանությունները վախեցել են Աֆրիկայում հասմիկների հեղափոխությունից. «Նրանք վախենում են, որ նման բան կարող է սկսվել համալսարաններում»,- հավելել է նա:
