«Սիրիական դեմոկրատական ուժերի» (SDF) արաբա-քրդական ջոկատները Թուրքիայի կողմից ռազմական գործողություն սկսվելու դեպքում ստիպված կլինեն նահանջել Դեյր Էզ Զորից և այժմ Ֆրանսիայից խնդրում են թռիչքազերծ գոտի հաստատել Սիրիայի հյուսիսում: Այդ մասին հայտարարել է SDF-ի քաղաքական թևի՝ «Սիրիական դեմոկրատական խորհրդի» (MSD) համանախագահը՝ գրում է RIA Novosti-ն:
SDF-ի ղեկավարությունը Սիրիայից զորքերի դուրսբերման վերաբերյալ ԱՄՆ-ի որոշումը որակել է տարածաշրջանի ժողովուրդների հույսերի խորտակում և խթան՝ ահաբեկիչների ակտիվացման համար: «Մենք Սիրիայի հյուսիսում թռիչքազերծ գոտի հաստատելու հարցով օգնություն ենք խնդրում Ֆրանսիայից»,- Փարիզում կայացած մամուլի ասուլիսի ժամանակ հայտարարել Է MSD-ի համանախագահ Իլհամ Ահմադը: «Մենք ստիպված ենք լինելու նահանջել Դեյր Էզ Զորից այն դեպքում, եթե Թուրքիան ռազմական գործողություն սկսի»,-հավելել է նա՝ նշելով, որ Սիրիայից ԱՄՆ-ի ուժերի դուրսբերմամբ Սիրիայի Արաբական Հանրապետության հյուսիսում ահաբեկչության դեմ պայքարը կբարդանա:
MSD-ի պատվիրակությունը ծրագորում է դեկտեմբերի 21-ին Սիրիայում ստեղծված իրադրությունը քննարկել Ֆրանսիայի նախագահ Էմանուել Մակրոնի հետ։