Բելառուսի նախագահ Ալեքսանդր Լուկաշենկոն փակ խորհրդակցություն է հրավիրել Կրեմլի կողմից միացյալ պետություն ստեղծելու անսպասելի առաջարկից հետո: Մասնակիցները կողմ են արտահայտվել Բելառուսի անկախության պահպանմանը: Տեղի ունեցած կիսագաղտնի հանդիպման և դրա արդյունքների մասին տեղեկացոել են բելառուս լրագրողները:
Ավելի վաղ, Կրեմլը առաջարկել է նոր կյանք հաղորդել Ռուսաստանի և Բելառուսի միացյալ պետություն ստեղծելու ծրագրին: Առաջարկվել է ստեղծել միացյալ մաքսային միություն, դատարան և անցնել միասնական դրամական համակարգի: Պաշտոնական Մինսկի առաջին արձագանքը բավականին կտրուկ է եղել. Լուկաշենկոն Մոսկվայի առաջարկը շանտաժ է համարել:
Գաղտնի հանդիպման արդյունքում մասնակիցները միաձայն կողմ են արտահայտվել Բելառուսի անկախությանը, ինչպես նաև պաշտոնյաներին հանձնարարվել է խիստ վերահսկել տեղեկատվական դաշտը, հաղորդում է «Նաշա Նիվա» պարբերականը:
