Շվեյցարիայում կկառուցվի Hyperloop-ի Եվրոպայում առաջին փորձանմուշը: Նախատեսվում է, որ նրա միջով բեռները կտեղափոխվեն մինչև 900 կմ արագությամբ՝ հաղորդում է The Local-ը:
Նշվում է, որ Hyperloop-ը կօգտագործվի վերգետնյա վակուումային տրանսպորտի ոլորտում հետազոտության համար:
Ծրագիրը կիրականացվի Վալեի Կոլոմբեյ-Մուրազ համայնքում: Այն գտնվում է շվեյցարական դաշնային երկաթուղու հետ համագործակցող «EuroTube» շահույթ չհետապնդող հետազոտական հաստատության վերահսկողության ներքո:
3 կիլոմետր երկարությամբ ավտոմայրուղու շինարարությունը պետք է սկսվի 2019 թ. երկրորդ կեսին: Փորձարկվող ուղին, որը նախատեսված է ապրանքների տեղափոխման համար, ոչ թե մարդկանց, կնմանվի մեծ վակուումային խողովակի:
Տեսականորեն խողովակի մեջ խցիկները կարող են շարժվել մինչև 1100 կմ/ժ արագությամբ, սակայն Վալեում առավելագույն արագությունը կլինի 900 կմ/ժամ:
Ծրագրի հեղինակները նշում են, որ խողովակի վակուումային պայմանները թույլ են տալիս ոչ միայն արագ, այլև շատ էներգաարդյունավետ եղանակով տեղաշարժվել: