Ֆինլանդիայի բնակիչներին կվերադարձնեն 2017թ.-ի ընթացքում հարկային գերավճարից առաջացած գումարները: Երկրի հարկային ծառայության տվյալներով, վերադարձվող գումարը կկազմի գրեթե 2.9 մլրդ եվրո: Այս մասին հաղորդել է Ռիա Նովոստին:
Նշվում է, որ միջոցների վերադարձ կունենա 3.6 միլիոն բնակիչ: Գումարներն այսօր առավոտից արդեն սկսել են փոխանցվել հարկատուների բանկային քարտերի վրա:
Գերատեսչության տվյալներով, այս տարվա վերադարձվող գումարի չափը ռեկորդային է: Անցյալ տարի հարկատուներին վերադարձրել են 2.6 միլիարդ եվրո, 2015թ.-ին՝ 2.3 միլիարդ:
Ֆինլանդիայում կախված քաղաքացիների տարեկան եկամտի չափից գործում է աճող եկամտահարկի համակարգը: Հաճախ բնակիչները ավելի շատ հարկեր են փոխանցում, քան անհրաժեշտ է, ուստի հարկային մարմինները Ամանորյա տոների ժամանակ միջոցների վերադարձ են կատարում, նշում է գործակալությունը:
