Ճապոնիայի կառավարությունը որոշում է կայացրել Չինաստանի Huawei և ZTE ընկերություններին արգելել պետական պարտավորագրեր ստանալ և պետական գնումներին մասնակցել Ճապոնիայի տարածքում: Դեկտեմբերի 10-ին այս մասին հայտնել է Kyodo գործակալությունը:
Գործակալության տեղեկություններով՝ համապատասխան միջոցները ձեռնարկվել են կիբեռանվտանգությանը նվիրված նիստի արդյունքներով: «Մեզ համար չափազանց կարևոր է չգնել սարքավորանք, որը վնասաբեր գործառույթներ է կրում և կարող է կիրառվել տեղեկատվության հափշտակման, դրա ոչնչացման և տեղեկատվական համակարգերի աշխատանքի խախտման համար»,- Տոկիոյում կայացած մամուլի ասուլիսում ասել է Ճապոնիայի նախարարների կաբինետի գլխավոր քարտուղար Յոսիհիդե Սուգան: Այս տարվա ամռանն ԱՄՆ-ը նույնպես որոշում է կայացրել Միացյալ Նահանգների պետական հիմնարկությունների կողմից ZTE եւ Huawei-ի հեռահաղորդակցական սարքավորանքի գնման և կիրառման արգելք սահմանելու մասին: ԱՄՆ-ի իշխանությունները բազմիցս պնդել են, որ դրանք համագործակցում են ՉԺՀ-ի հատուկ ծառայությունների հետ, հաղորդել Է ՏԱՍՍ-ը:
