Քիմ Քարդաշյանը սիրում է երկրպագուներին ուրախացնել իր դստեր` Նորթի լուսանկարներով: Նոր լուսանկարում, որն աստղը հրապարակել է սոցկայքի իր էջում, աղջնակն իր մորաքրոջ դստեր` Պենելոպա Դիսիքի հետ է:
Քիմ և Քորթնի Քարդաշյանները ոչ միայն քույրեր, այլև մտերիմ ընկերուհիներ են: Զարմանալի չէ, որ նրանց դուստրերն արդեն այդքան վաղ տարիքում ընկերացել են: Չնայած Պենելոպան այնքան էլ մեծ չէ Նորթից` նա փորձում է փոքրիկ զարմուհուն իր ծնկներին նստեցնել:
Վերջերս Էլեն Դեջեներեսի հեռուստաշոուի ժամանակ այն հարցին, թե արդյոք Քիմը կրկին կցանկանա՞ երեխաներ ունենալ, նա ասել է, որ միշտ ցանկացել է 6 երեխա ունենալ:
Քիմը նաև հայտարարել է, որ իր ապագա ամուսինը՝ Քանյե Ուեսթը, հիանալի հայր է: «Ազնիվ խոսք, նա ամենահիանալի հայրն է: Երբ նա մեկնում է, ես ամեն օր նրան ուղարկում եմ Նորիի տեսագրությունները և լուսանկարները, և նա ինձ գրում է` նա այնքան է մեծացել: Քանյեն Նորիին շատ է սիրում»,- աստղի խոսքերը մեջբերում է 7days.ru կայքը:
