Հունվարի 26-ին տեղի է ունեցել «Գրեմմի»-ի 56-րդ մրցանակաբաշխությունը: Միևնույն օրը միևնույն բեմում միասին ելույթ են ունեցել երգչուհի Բեյոնսեն և Ջեյ Զին: Սակայն ի հեճուկս սպասումների` համարը հանդիսատեսի բացասական արձագանքին է արժանացել` երգչուհու բաց հագուստի և կրքոտ պարի պատճառով: Այս մասին գրում է 7days.ru կայքը:
Բեյոնսեն բեմի վրա ագրեսիվ սև սեղմիրանով է եղել, որն ի ցույց է դրել երգչուհու գեղեցիկ ազդրերը: Փոփ-աստղն աթոռին նստած պարել է: Բեմահարդարման բացակայությունը ողջ ուշադրությունը կենտրոնացրել է երգչուհու և նրա պարի վրա:
Երգի մեջտեղի հատվածում բեմում է հայտնվել Ջեյ Զին: Նա ձեռքը դրել է Բեյոնսեի ազդրին, իսկ վերջինս էլ շարունակել է պտտվել իր ամուսնու շուրջը:
Շատերին վրդովմունք է պատճառել այն փաստը, որը օրինակելի կնոջ և հոգատար մոր համբավ ունեցող Բեյոնսեն բեմում նման հագուստ է կրել և նման կերպ պարել:
