Երկուշաբթի առավոտյան Եվլախում տեղի բնակիչ, պատերազմի հաշմանդամ Նիզամի Քերիմովն ինքնահրկիզվել է սոցիալական պաշտպանության հիմնադրամի շրջանային բաժանմունքի մոտ: Այս մասին հայտնում է Contact.az-ը:
Եվլախի ոստիկանությունը հաստատել է փաստը և հայտնել, որ համանդամը հոսպիտալացվել է շրջանային հիվանդանոց, նրա կյանքին վտանգ չի սպառնում:
Փաստով հետաքննություն է անցկացվում: Նախնական տեղեկություններով՝ հաշմանդամը դիմել է ինքնահրկիզման՝ ի նշան բողոքի իր իրավունքների խախտման և բյուրոկրատական քաշքշուկների դեմ:
Սա վերջին ամսում պատերազմի վետերանների ինքնահրկիզման երկրորդ դեպքն է:
Նախորդ դեպքը տեղի էր ունեցել դեկտեմբերի 25-ին: Ղարաբաղյան պատերազմի հաշմանդամ Զաուր Հասանովը ինքնահրկիզվել էր Արհմիությունների համադաշնության շենքի առջև՝ ի նշան իր իրավունքների խախտումների դեմ բողոքի: