Մի քանի հետազոտական նախագծերի շրջանակներում միջազգային տիեզերական կայան կուղարկվեն ոսկե ձկներ, մոծակի ձվեր և որդեր` հաղորդում է Interfax-ը:
Ակնկալվում է, որ «վերաբնակեցվածներին» երկրային ուղեծիր կհասցնի «Պրոգրես Մ-22Մ» բեռնատար տրանսպորտային տիեզերանավը, որը կուղևորվի փետրվարի 5-ին:
Դա կլինի առաջին թռիչքը 2014թ. կայանի շահագործման ծրագրով: Կիրականացվեն հետազոտություններ` կապված տիեզերքում ձկների էմբրիոնալ զարգացման, նրանց ողնաշարա-մկանային փոխոխությունների հետ: Որդերի վրա կուսումնասիրվի կենդանի հյուսվածքների ռեգեներացումը, իսկ մոծակների ձվերի վրա կմշակվեն ջրային օրգանիզմների աճեցման մեթոդները:
