Մելբուռնի Մոնթ Ալբերտի անվան տարրական դպրոցը որոշել է պայքարել երեխաների ճարպակալման և ծուլության դեմ: Այստեղ աշխարհում առաջին անգամ կազմակերպվում են կանգնած դասեր: Մասնագետների կարծիքով` այս նորամուծությունը նաև նպաստում է ուսուցման գործընթացի արդյունավետությանը:
Դա կատարյալ տարբերակ է հիպերակտիվ երեխաների համար: Այսպես նրանք ավելի հեշտ են կենտրոնանում դասերի վրա:
Նորամուծությունը վերաբերում է վեցերորդ դասարանցիներին: 2 ամիս առաջ դասարանում բարձր սեղաններ են տեղադրել, որոնց առջև կարելի է նստել կամ կանգնել: Աշակերտների մեծամասնությունը նախընտրում է կանգնել: Հաջորդ ուսումնական տարվա առաջին 8 ամիսների ընթացքում աշակերտների վիճակին խստորեն կհետևեն:
Գիտնականները ցանկանում են հասկանալ` կարո՞ղ է մարմնի նման դիրքը բարելավել առողջությունը, ֆիզիկական վիճակը, հիշողությունը և ուսանելու հմտությունները: Դպրոցականներին էկրաններ են բաժանել, որոնք կհետևեն, թե որքան ժամանակ են նրանք նստում, գրում է Mirfaktov-ը:
