«Ձեզանից յուրաքանչյուրի դերը մեր երկրի կառուցման գործում շատ ավելի կարևոր է, քան դուք պատկերացնում եք»,- Արագածոտնի մարզում քարոզարշավի ժամանակ ասաց «Լուսավոր Հայաստան» կուսակցության պատգամավորի թեկնածու Վահրամ Ավագյանը:
Նա հարց հնչեցրեց՝ մի՞թե մեր ժողովուրդն արժանի է ապրել այսպիսի անմարդկային պայմաններում. «Իսկ ո՞վ է այդ ամենի մեղավորը: Ո՞վ է մեղավոր, որ մինչ օրս Ազգային ժողովի ամբիոնից մեկ անգամ չեն հնչել «Թալին», «Արագածոտնի մարզ» բառերը: Ո՞վ է մեղավոր, որ մինչ օրս չեն բարձրաձայնվել մեր խնդիրները, խնդիրներ, որոնք մեզ դանդաղ, բայց հաստատուն կերպով տարել են դեպի կործանում: Իսկ գուցե մեզ պե՞տք էր պահել այդ խնդիրների բեռի տակ, որպեսզի ընտրությունից ընտրություն մեզնից կարողանային գողանալ մեր քվեն»:
Նրա խոսքով՝ իրենց շատ են խաբել, և իրենք շատ են հավատացել տարատեսակ խոստումներին. «Մեզ խաբել են, բայց պետք է ընդունենք, որ խաբել ենք նաև ինքներս մեզ»:
Մանրամասները՝ տեսանյութում:
