«Մարդիկ ավելի անկաշկանդ են դարձել՝ ի տարբերություն նախորդ ընտրությունների: Նախկինում վախի մթնոլորտ կար, նույնիսկ մեր ընտրողներն էին վախենում գալ մեզ հետ հանդիպման»,- «Առաջին լրատվական»- ի հետ զրույցում այս մասին ասաց «Լուսավոր Հայաստան» կուսակցության պատգամավորի թեկնածու Գևորգ Գորգիսյանը՝ հավելելով, որ մարդիկ հիմա էլ սկսել են պաշտել նոր իշխանություններին և վախենալ նրանցից:
«Չգիտեմ դրա պատճառն ունեն թե ոչ, բայց որոշ հեռավոր գյուղերում շարունակում են վախենալ իշխանությունից: Բայց գլոբալ առումով ամեն ինչ դրական է»,- նշեց ԼՀԿ պատգամավորի թեկնածուն:
Հարցին՝ արդյո՞ք «Լուսավոր Հայաստանին» հետաքրքրում է, թե ինչ է կատարվում «Իմ քայլը»- ՀՀԿ ճակատում, Գ. Գորգիսյանը պատասխանեց. «Դա քաղաքական դիսկուրսի մի մաս է, բայց մենք կենտրոնացած ենք մեր անելիքների ու ասելիքների վրա:
«Լուսավոր Հայաստանը» ի սկզբանե քաղաքականություն է մտել պայքարելու «հանուն»- ի համար, «հանուն»-ի շուրջ ենք հավաքվել և հիմա էլ գնում ենք ընտրապայքարի:
Նրանց մոտ հիմնականում լեզվակռիվ է, և դա շատ վատ երևույթ է. եթե ՀՀԿ-ն ձգտում է և նրան հաջողվի անցնել խորհրդարան և դառնալ ընդդիմություն, ունենալու ենք ընդամենը այդ մակարդակի լեզվակռիվներ, կոնստրուկտիվ բանավեճ չի կարող լինել»:
Գ. Գորգիսյանը վստահ է՝ ԼՀԿ-ն կառուցող թիմով է հանդես գալիս և ունի իր հստակ ընտրազանգվածը, որը գիտակցում է, որ խոսելուց ու պոպուլիզմից բացի՝ պետք է աշխատել, իսկ ԼՀԿ-ն ընտրությանը մասնակցում է պետականաշինությանը պատրաստ թիմով:
Մանրամասն՝ տեսանյութում: