Ազգային անվտանգության ծառայության տնօրեն Արթուր Վանեցյանը դեռ մանրամասներ չի հայտնում՝ ով է պատգամավորը, որի մասին հայտարարել էր վարչապետի պաշտոնակատար Նիկոլ Փաշինյանը Ազգային ժողովում։
Լրագրողների հետ զրույցում Վանեցյանն ասաց, որ արտերկրից սպասում են փաստաթղթերի, որից հետո միայն մանրամասներ կհայտնեն։
«Երբ կարևոր փաստթղթերը ստանանք, տեղեկություն կհաղորդենք», – ասաց Վանեցյանը։
Մեր հարցին, թե ճի՞շտ են տեղեկությունները, որ իրավապահները սպասում են գործող ԱԺ-ի լուծարվելուն, որպեսզի հեշտ լինի անձեռնմխելիությունից զրկված պատգամավորին ձերբակալելը, Վանեցյանը պատասխանեց. «Ոչ, սպասում ենք անհրաժեշտ փաստաթղթերին»։
