«ՀԱԿ-ը, ՀՅԴ-ն, ԲՀԿ-ն և «Ժառանգությունը» կօգնեն Քոչարյանին` վերադառնալ քաղաքականություն». մամուլ

«ՀԱԿ-ը, ՀՅԴ-ն, ԲՀԿ-ն և «Ժառանգությունն» այսքան տարի Քոչարյանի խաղն են խաղացել»,- «168 Ժամ» թերթի հետ զրույցում այս մասին ասել է «Սասուն» ջոկատի հրամանատար, «Քաղաքացիական պայմանագրի» անդամ Սասուն Միքայելյանը:

Նրա խոսքով՝ վերոնշյալ քաղաքական չորս ուժերը կօգնեն ՀՀ երկրորդ նախագահ Ռոբերտ Քոչարյանին` վերադառնալ քաղաքականություն: «Չեմ կասկածում, որ կօգնեն: Մի քիչ քաղաքական հոտառություն ունեցողը կհասկանա, թե ինչի՞ պիտի նման բան անեն, նրանք բոլորն էլ այսքան տարի Քոչարյանի խաղն են խաղացել: Նրանք բոլորն էլ` ի դեմս Քոչարյանի, Ռուսաստանի խաղն են խաղում»,- ասել է նա:

Ս. Միքայելյանը չի բացառել, որ Ռ. Քոչարյանը ոչ իշխանական ուժերի միասնական թեկնածու դառնալու ցանկություն ունի. «Այս երկրում ամեն ինչ հնարավոր է: Պարզապես մենք պետք է զգույշ լինենք և ուշադիր, որ թույլ չտանք Քոչարյանի կարգի մարդկանց` մոտ գալ իշխանությանը»:

Ըստ նրա՝ Տիգրան Սարգսյանի հետ Ռոբերտ Քոչարյանի հեռակա բանավեճը «ներիշխանական խաղերի արդյունք է, ուրիշ ոչինչ, դա հերթական բլեֆ է»:

 

Հարցազրույցն ամբողջությամբ՝ թերթի այսօրվա համարում