Google ընկերությունն իր բլոգում հայտարարել է Pwnium 4 ցանցահենային մրցույթի մասին: Այն կկայանա Կանադայում՝ մարտի 12-ին՝ CanSecWest համաժողովի շրջանակներում: Մասնակիցների խնդիրը կկայանա Chrome OS օպերացիոն համակարգով աշխատող «քրոմբուքերը» կոտրելը:
Մրցանակների համար նախատեսված ընդհանուր գումարը 2,71828 միլիոն դոլար կկազմի: Անհատական մրցանակների չափը 110-150 հազար դոլար է:
Pwnium մրցանակը ստանալու համար անհրաժեշտ է գտնել Chrome OS-ի թույլ տեղը, որը հնարավոր կլինի օգտագործել համակարգի վրա հարձակվելիս, Google-ին տրամադրել էքսփլոյթի աշխատող գաղտնաբառը և հայտնաբերված թերության մանրամասն նկարագրությունը:
Մրցույթի համար երկու «քրոմբուքեր» են առաջարկվում՝ Intel պրոցեսորով Acer C720-ը և HP Chromebook 11-ը: Մասնակիցներից յուրաքանչյուրը ինքը կարող է ընտրել, թե որ համակարգչի վրա է ցանկանում հարձակում գործել:
