Շոտլանդիայի բնակչուհի Պաուլինա Հանթի մոտ քաղցկեղ են ախտորոշել երիկամի փոխպատվաստումից հետո, հաղորդում է The Daily Mail-ը:
49-ամյա կնոջը հայտնել են, որ իր մոտ որովայնի խոռոչի քաղցկեղ և լիմֆոմա է հայտնաբերվել: Ավելի վաղ, մի ուրիշ հիվանդ, որին նույն դոնորից օրգան էին փոխպատվաստել, դրանից մի քանի շաբաթ անց մահացել էր:
Փոխպատվաստումն իրականացրած բժիշկները հավատացրել են, որ օրգանը անցել է բոլոր հնարավոր ստուգումները: Այնուամենայնիվ, Հանթը պնդել է հետաքննություն անցկացնելու իր պահանջը: Վտանգից խուսափելու համար բժիշիկները փոխպատվաստված օրգանը հեռացրել են, սակայն դա ոչինչ չի փոխել:
Պարզվել է, որ դոնորի տվյալներում նշված է եղել քաղցկեղի ագրեսիվ ձևի առկայությունը, որն անցնելով Հանթի օրգանիզմ՝ շատ արագ տարածվել է:
Արյան և փոխպատվաստման ազգային ծառայությունը, որը տարեկան նյութեր է տրամադրում ավելի քան 6000 փոխպատվաստաման վիրահատությունների համար, ժխտում է իր պատասխանատվությունը:
