Հունիսի 26-ին՝ ժամը 22:31-ին ահազանգ է ստացվել, որ Սյունիքի մարզի Հալիձոր գյուղում` «Ձորի այգիներ» տարածք տանող ճանապարհին տեղի է ունեցել ավտոպատահար. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չպարզված հանգամանքներում Ռուդիկ Մկրտչյանին պատկանող «ԳԱԶ-53» մակնիշի առանց պետհամարանիշի ավտոմեքենան դուրս է եկել ճանապարհի երթևեկելի մասից և շրջվել, ինչի հետևանքով տեղում զոհվել է ուղևոր, Հալիձոր գյուղի բնակիչ,1982 թ.-ին ծնված Լուսինե Սանթորյանը, իսկ ուղևոր, Հալիձոր գյուղի բնակիչ,1994 թ.-ին ծնված Նարեկ Պետրոսյանը ստացել է տարբեր աստիճանի մարմնական վնասվածքներ և, մինչ հրշեջ-փրկարարների ժամանումը, տեղափոխվել է Գորիս քաղաքի Յոլյանի անվան հիվանդանոց:
Հրշեջ-փրկարարների օգնությամբ Լ.Սանթորյանի դին դուրս է բերվել ավտոմեքենայից և տեղափոխվել իր տուն:
