Կանադայի Բրիտանական Կոլումբիա նահանգի առողջապահության ոլորտի աշխատողները փորձում են տարհամոզել քաղաքացիներին, ովքեր զանգվածաբար կալիումի յոդիդ են գնում ճապոնական վնասված «Ֆուկուսիմա» ԱԷԿ-ի ռադիացիայից պաշտպանվելու համար:
Երբ համացանցում հայտնվեցին հոդվածներ այն մասին, որ կալիումի յոդիդն իբրև թե օգնում է կանխել ռադիացիայի հետևանքով առաջացող հիվանդությունները, քաղաքացիները մաքրել են այն դեղատների վաճառասեղաններից՝ գրում է տեղի The Province պարբերականը:
Նահանգի բնակիչները մտավախություն ունեն, որ Խաղաղ օվկիանոսում հայտնված միջուկային թափոնները կարող են հարազատ ափեր հասնել:
Կալիումի յոդիդն իսկապես օգտակար է մի շարք դեպքերում, սակայն արտաքին ռադիացիայից այն չի պաշտպանի:
