Գերմանական Ռոտ քաղաքում (Բավարիա) իշխանությունները արգելել են երեխաներին Սանտա Կլաուսին ուղղված նամակներ թողնել քաղաքային եղևնիների վրա: Պատճառը Եվրամիությունում գաղտնիության մասին նոր օրենքներն են՝ հաղորդում է Daily Mail-ը:
Բանն այն է, որ երեխաները, բացի իրենց ցանկություններից, գրում են նաև իրենց անունները, տարիքը և հասցեն՝ նվերը ստանալու համար: Սակայն օրենքով՝ իշխանությունները պետք է ստանան յուրաքանչյուր երեխայի ծնողների գրավոր թույլտվությունը առ այն, որ իրենց տվյալները կարող են հասանելի լինել երրորդ անձանց:
Այժմ հասարակական գործիչները պատրաստում են փաստաթղթի նմուշ, որպեսզի ծնողները հեշտությամբ կարողանան լրացնել, իսկ երեխաները համենայնդեպս կարողանան հետևել ամենամյա ավանդույթներին:
