ԱՄՆ-ի տարածքում ավելի հաճախակի դարձած հրդեհներն ու փոթրիկները կլիմայի փոփոխության արդյունք են: Այսպիսի եզրակացություն է արվել Սպիտակ տան հրապարակած կլիմայական փոփոխությունների խնդրի մասին կառավարական գործակալությունների զեկույցում, գրում է The Hill-ը:
«1901-2016-ին աշխարհում միջին ջերմաստիճանն ըստ Ֆարենհեյթի աճել է 1.8-ով (շուրջ 1 աստիճան ըստ Ցելսիուսի): Գիտնականների ուսումնասիրությունները չեն հաստատում տաքացման բնական պատճառների ոչ մի տեսություն»,-ասվում է փաստաթղթում:
Զեկույցի հեղինակները վստահ են, որ տաքացումը մարդու գործունեությամբ է պայմանավորված, մասնավորապես՝ ջերմոցային գազերի արտանետումներով:
