«Հեռուստամարաթոն-2018-ն» անցնում էր «Արարենք միասին» խորագրով. «Հայաստան» համահայկական հիմնադրամին նվիրաբերվել է 11 միլիոն 109 հազար 633 դոլար: Հեռուստամարաթոնի գրանցած արդյունքների շուրջ «Առաջին լրատվական»- ը զրուցեց հաղորդակցության մասնագետ Անուշ Բեղլույանի, ՄԱՀՀԻ-ի փորձագետ Սյուզաննա Բարսեղյանի և վերլուծաբան Հակոբ Բադալյանի հետ, ովքեր ի թիվս այլ հարցերի, անդրադարձան նաև պատճառին, թե ինչու այս տարի ավելի նվազ արդյունք գրանցվեց, քան նախորդ տարիներին:
Ա. Բեղլույանն ընդգծեց, որ նշված գումարի մեջ չի մտնում Ռուսաստանի և Հայաստանի հանգանակությունը: Նրա խոսքով՝ այս տարի հանգանակություններն ավելի շատ եղել են զանգվածային, և ռուսաստանաբնակ գործարարները խոշոր հանգանակություններ չեն արել՝ ի տարբերություն նախորդ տարիների:
«Հայկական ծագմամբ ռուսական խոշոր կապիտալի մասնակցությունը և ակտիվությունը հիմնադրամի աշխատանքում ընդգծված դարձավ 2008-ից հետո: Բուռն մուտքից հետո հետագայում այն նվազեց, ինչը պայմանավորված էր քաղաքական տրանսֆորմացիաներով,- նշեց Հ. Բադալյանը ՝ հավելելով, որ թավշյա հեղափոխությունից հետո համակարգի ապամոնտաժումն իր ազդեցությունը թողեց հեռուստամարաթոնի վրա․ ռուսահայ օլիգարխիան հիասթափված է:
Ս. Բարսեղյանի դիտարկմամբ՝ «Հայաստան» համահայկական հիմնադրամի գործունեությունը երկու հիմնական գործոնով է պայմանավորված՝ վստահություն և գործունեության բովանդակություն: Նրա խոսքով՝ 2008-ից սկսած՝ նվազում է հանգանակությունների ծավալը, ինչը պայմանավորված է վստահության գործոնով:
Մանրամասն՝ տեսանյութում:
