Երեկ ԱՄՆ-ի Հարվարդի համալսարանին են վերադարձրել 35 տարի առաջ գողացված 18-րդ դարի չինական նեֆրիտե խնկամանը՝ հայտնում է ITAR-TASS-ը:
1942թ. գործարար ու հավաքորդ Էռնեստ Դեյնը այդ խնկամանը նվիրել է Հարվարդի Ֆոգի գեղարվեստական թանգարանին, որը գտնվում է Քեմբրիջում (Մասաչուսեթս նահանգ):
1979-ին թանգարանը կազմակերպել էր ոչ մեծ ցուցադրություն, որտեղից էլ գողացել էին արվեստի գործը:
Թանգարանի աշխատակիցները դիմել էին ոստիկանություն, սակայն իրը հայտնաբերել այդպես էլ չէր հաջողվել;
Խնկամանը, որի բարձրությունը 16.5 սմ է, պատրաստվել էր Ցին կայսերական վերջին դինաստիայի ժամանակ:
