Իրանի Քարաջ քաղաքի մոտ գտնվող անվադողերի արտադրությամբ զբաղվող İran Tire գործարանի ավելի քան 400 աշխատողներ բողոքի ակցիա են անցկացրել ձեռնարկության շենքի մոտ: Այս մասին հայտնում է ILNA գործակալությունը:
Հաղորդվում է, որ աշխատողները գործադուլ էին կազմակերպել՝ կապված 80 աշխատողների հեռացման հետ:
Ցուցարարները նշում են, որ գործարանի ղեկավարությունը՝ հայտարարելով ֆինանսական խնդիրների ու հիմնական նյութերի սղության մասին, մտադիր է աստիճանաբար կրճատել աշխատողների թիվը:
Աշխատողները նշել են, որ այսօր 80 մարդ է հեռացվել: Նրանցից ոմանք ձեռնարկությունում աշխատել են 15 տարի:
Ցուցարարները պահանջում են վերադարձնել հեռացված աշխատողներին:
