Նոր Օռլեանի պարուհի Հիզեր Հանսենը պարը ստեղծագործական ուղով համադրել է արվեստի մեկ այլ ճյուղի՝ նկարչության հետ: Նա ձեռքն է վերցրել փայտածխի կտոր, հատակին տեղավորել մի հսկա թուղթ ու գործի անցել:
Պառկած վիճակում արված պարային շարժումների արդյունքում ստացվել են արվեստի հիանալի գործեր: Լուսանկարներն ու տեսանյութը ներկայացնում է Boredpanda.com կայքը:
Նա պատկերասրահներում հանդես է եկել բազմաթիվ ցուցադրություններով: Հանսենը 2013-ին օրական մեկ նկար է ստեղծել և ծրագրում է նույնն անել 2014-ին: Նրա կարծիքով՝ ինքդ քեզ պարտադրելով օրական արվեստի մեկ գործ ստեղծել, կարող ես արթուն պահել ստեղծագործական միտքդ:
