«Ժողովուրդ»-ի –ը գրում է. «Քոչարյան-ՀՀԿ գրասենյակային բանավեճի ֆոնին ստվերում մնացած կոմունալ վարձավճարներից դժգոհությունն ընդլայնում է շրջանակը։ Բողոքում են նաև մանր ու միջին բիզնեսի ներկայացուցիչները, որոնց գործունեությունը լրջորեն վտանգվել է գազի և էլեկտրաէներգիայի սակագների բարձրացման արդյունքում։
Էջմիածնի պահածոների գործարանի տնօրեն Համլետ Ավագյանը «Ժողովուրդ»-ի հետ զրույցում հայտարարեց, որ գազի և էլեկտրաէներգիայի սակագների բարձրացումն ազդեցություն կունենա ոչ միայն ընկերությունների գործունեության, այլև ապրանքատեսակների գների վրա։
«Մանչո գրուպ»-ի տնօրեն Վանիկ Մոսոյանի կարծիքով՝ այս թանկացումների պատճառով ընկերությունը կունենա ֆինանսական մեծ, անտեղի կորուստներ և նոր դժվարություններ։
Իսկ ՀՀ Արարատի մարզի Դարակերտ համայնքի ղեկավար Ղուկաս Սիմոնյանը, որը միաժամանակ զբաղվում է նաև ջերմոցային տնտեսությամբ, մեզ հետ զրույցում ափսոսանքով հայտնեց, որ գազի և էլեկտրաէներգիայի սակագների բարձրացման պատճառով այս ամիսներին իր ջերմատները չի շահագործում»,–գրում է թերթը։
Մանրամասները՝ թերթի այսօրվա համարում։
