ԱՄՆ նախագահ Դոնալդ Թրամփը հայտարարել է հաջորդ շաբաթ հրամանագիր ստորագրելու մտադրության մասին, որը սահմանափակում է օտարերկրացիների՝ երկրում քաղաքացիական ապաստանի հայտ ներկայացնելու հնարավորությունը, հաղորդում է The Hill-ը
ԱՄՆ նախագահի խոսքով՝ նոր կարգի համաձայն`ապաստան հնարավոր կլինի հայցել միայն պաշտոնական սահմանային կետերում, ոչ թե երկիր մուտք գործելուց հետո:
Թրամփը նշել է, որ օտարերկրացիները հաճախ են օգտվում ամերիկյան միգրացիոն համակարգից` ապաստան հատկացնելու մասին կեղծ տեղեկություններ հայտնելով:
«Այդ ծրագրի համապատասխան՝ օտարերկացիներն ապօրինի ճանապարհով երկիր ազատ մուտք չեն ունենա՝ ապաստան փնտրելու մասին անհիմն հայտեր ներկայացնելով»,-հայտարարել է Թրամփը:
Ըստ նրա՝ ծրագիրը «միանգամայն օրինական կլինի»: Ցանկացած ապաստան հայցողի, որին կձերբակալեն սահմանը հատելու փորձի ժամանակ, կպահեն վրանում և մինչև դատական պարզաբանումները ազատ չեն արձակի:
