Սիրիայի ընդդիմադիր և հեղափոխական ուժերի ազգային կոալիցիան հրաժարվում է մասնակցել «Ժնև-2»-ին Պան Գի Մունի կողմից Իրանին Մոնտրյո հրավիրելուց հետո: Այս մասին Sky News Arabia հեռուստաալիքին հայտնել է Ազգային կոալիցիայի անդամ Ահմեդ Ռամադանը:
«Կոալիցիայի՝ «Ժնև-2»-ին մասնակցությունից հրաժարվելը պաշտոնական որոշում է»,- ընդգծել է նա: «Մենք պաշտոնապես նախազգուշացրել էինք Լախդար Բրահիմիին (Սիրիայի հարցով ՄԱԿ-ի և ԱՊԼ հատուկ ներկայացուցիչ), որ Իրանին համաժողով հրավիրելու դեպքում մենք դրան չենք մասնակցի»,- ասել է Ազգային կոալիցիայի ներկայացուցիչը:
ՄԱԿ-ում այս տեղեկությունը չեն մեկնաբանում:
Ավելի վաղ ՄԱԿ-ի գլխավոր քարտուղարը հայտնել էր, որ Իրանն ու ևս 9 պետություններ հավելյալ մասնակցության հրավեր են ստացել:
Սիրիայի ընդդիմադիր Ազգային խորհուրդը հայտարարել է, որ չի մասնակցի բանակցություններին, եթե Պան Գի Մունը հետ չկանչի Իրանին ուղարկված հրավերը: Բանն այն է, որ սիրիական ընդդիմությունն Իրանին համարում է Բաշար Ասադի գլխավոր դաշնակիցներից մեկը:
