«Դրականն այն է, որ մի քանի խնդիրների շուրջ արդեն եղել է համախմբված մոտեցում՝ Ընտրական օրենսգրքի հետ կապված, գազի պայմանագրի հետ կապված և կուտակայինի: Ես հույս ունեմ, որ սա արդեն քաղաքացիների ակտիվության շնորհիվ է: Սա հնարավորություն է, որ դառնա հարթակ՝ երկրում իսկապես արմատական իշխանափոխություն անցկացնելու, ազգային ժողովի ընտրություններ անկացնելու համար»,- «Առաջին լրատվական»-ի հետ զրույցում ասաց «Ժառանագություն» կուսակցության փոխնախագահ Արմեն Մարտիրոսյանը «Դեմ եմ» շարժման և ոչ իշխանական ուժերի համատեղ հանրահավաքի ընթացքում:
Նրա խոսքով՝ իսկապես դրական է, որ այս խնդրի շուրջ հիմա հրապարակում հավաքված են ոչ միայն խորհրդարանում ներկայացված ոչ իշխանական ուժերը, այլև քաղաքացիական հասարակության տարբեր ներկայացուցիչներ: «Սա հնարավոր է՝ առաջին քայլ լինի»,- ընդգծեց Մարտիրոսյանը:
Հարցին՝ հնարավո՞ր է այս չորս կուսակցությունները մի կողմ թողնեն իրենց ամբիցիաները և իշխանափոխության հասնելու համար միավորվեն, մեր զրուցակիցը պատասխանեց. «Այս չորս կուսակցությունները կարող են շարունակել իրենց ամբիցիաները և առանձին-առանձին պարտություն կրել»:
Մանրամասները՝ տեսանյութում
