Ազատության հրապարակում այսօր կայացավ «Ընդդեմ պարտադիր կուտակային կենսաթոշակային համակարգի» քաղաքացիական նախաձեռնության կազմակերպած հավաք-երթը, որին միացել են նաև խորհրդարանական 4 ոչ կոալիցիոն ուժերի (ՀԱԿ, ԲՀԿ, Ժառանգություն, ՀՅԴ) ներկայացուցիչներ:
ՀՀ քաղաքական պատմության մեջ սա բացառիկ դեպք է, երբ մեր քաղաքացիները և քաղաքացիական նախաձեռնությունները ձևավորել են օրակարգ և այդ օրակարգին միացել են խորհրդարանական ոչ իշխանական ուժերը՝ առանց բացառության: Ազատության հրապարակում նման հայտարարություն արեց Ազգային ժողովի «Ժառանգություն» խմբակցության անդամ Ռուբիկ Հակոբյանը:
«Համոզված եմ, որ պետության մեջ արմատական բարեփոխումներ անելու համար անհրաժեշտ է, որ և՛ հասարակությունը, և՛ քաղաքական ուժերը, որոնք չեն կիսում այսօր տարվող քաղաքականությունը, միավորվեն»,- հայտարարեց Ռուբիկ Հակոբյանը:
«Այո՛, այս հավաքն ուղղորդվում է, բայց ուղղորդվում է ժողովրդի բացարձակ մեծամասնության կողմից»,-նշեց Ռուբեն Հակոբյանը:
Մանրամասները՝ տեսանյութում
