Պարտադիր կուտակային կենսաթոշակային համակարգի դեմ պայքարող «Դեմ եմ» նախաձեռնության անդամները պայքարը շարունակում են:
Հունվարի 18-ին լրագրողների հետ հանդիպմանը նրանք նշեցին, որ այսօր կայանալիք հանրահավաքով և ՍԴ դիմելով իրենց պայքարը չի սահմանափակվի:
Եթե Սահմանադրական դատարանը չարդարացնի իրենց սպասելիքները, քաղաքացիական անհնազանդության ակցիաներն ավելի բուռն են լինելու և շարունակական, և ամենևին կապ չունի` քանի ամիս կտևի: Նախաձեռնության անդամ Դավիթ Մանուկյանը կոչ արեց բոլոր քաղաքացիներին, ովքեր անտարբեր չեն, միանալ իրենց ընդդեմ հակասահմանադրական օրենքի և հանուն Հայաստանի Հանրապետության:
«Մի վախեցեք դուրս գալ փողոց, մի վախեցեք պաշտպանել ձեր իրավունքները»,- ասաց նա: Ակտիվիստները համոզված են` իրենց շարքերը գնալով համալրվելու են, հատկապես երբ քաղաքացիները ստանան արդեն իսկ պահումների արդյունքում նվազած իրենց աշխատավարձը և հասկանան համակարգի իրական վտանգները. կկատարվի այն, ինչ եղավ գազի գնի թանկացման դեպքում:
Մանրամասները` տեսանյութում:
