Փետրվարին «Կարֆուրո՞վ», թե՞ առանց «Կարֆուրի». մամուլ

««ՀԺ»-ն դեռ հոկտեմբերին էր տեղեկացրել,  որ «Երևան մոլ»-ի բացման ժամկետը հետաձգվել է մինչև փետրվար, սակայն թերթի տեղեկությունը պաշտոնապես չէր հաստատվել, ոչ էլ հերքվել էր, քանի որ առևտրի կետի սեփականատերերի համար խիստ անցանկալի էր այդ բիզնես-պրոյեկտի վերաբերյալ ինֆորմացիայի ցանկացած արտահոսք։

Հիշեցնենք, որ «Երևան մոլ»-ի սեփականատերերն իրենք էլ են գաղտնի մնում հանրությունից։ «Երևան մոլ»-ի բացումը, ինչպես ավելի վաղ տեղեկացրել ենք, նախատեսված էր կատարել հոկտեմբերի մեջ։ Բայց ներքին հարդարման աշխատանքները, որ սկսվել են դեռևս ամռան ամիսներին, ոչ միայն աշնանը չավարտվեցին, այլև մինչ օրս ընթանում են։ Ֆեյսբուքյան օգտատերերից մեկը «Երևան մոլ»-ի պաշտոնական էջում հարցում է արել, թե կբացվի՞ արդյոք «Կարֆուրը»։

Ինչպես «ՀԺ»-ն պարզել էր ավելի վաղ, նախատեսված էր, որ «Կարֆուրը» տեղակայվելու է «Երևան մոլ»-ի առաջին հարկում, 6600 քմ մակերեսի վրա։ Սակայն «Երևան մոլ»-ի պաշտոնական էջում օգտատիրոջ հարցն անպատասխան է մնացել, ինչը կարող է նշանակել, որ կամ՝ ֆրանսիական հայտնի հիպերմարկետների միջազգային ցանցը Հայաստան չի գալու, կամ էլ՝ այդ հարցը դեռևս անորոշ է»։

 

Մանրամասները` թերթի այսօրվա համարում