«Մինչ այժմ վարչապետի և կառավարության կողմից տնտեսության կառուցվածքի վերաբերյալ եղած աճի վերաբերյալ դիտարկումներից կարևոր էր այն, որ տնտեսական աճը պետք է լինի ներառական և ավելի ընդգրկող այն բոլոր հնարավորությունները, որոնք ունի հասարակությունը: Մի քանի կարևոր նախապայաններ կան, որոնցից մեկը, ինչպես վարչապետն այսօր ԱԺ-ում ընդգծեց, առաջին հերթին մուտքի հավասար պայմաններն են: Երկրորդը վերաբերում է նրան, որ որոշակի իներցիոն կենտրոնացվածություն կա, և այդ պարագայում առաջանում են ռիսկեր…»,- «Առաջին լրատվական»- ի հետ զրույցում այս մասին ասաց Տնտեսական զարգացման և ներդրումների նախարար Տիգրան Խաչատրյանը՝ հավելելով, որ գնում ենք դեպի այնպիսի տնտեսություն, որտեղ ռիսկերն ավելի քիչ են:
Տ. Խաչատրյանի հավաստմամբ՝ Հայաստանի տնտեսական ցուցանիշները, համեմատած հարևան երկրների ցուցանիշների հետ, միջինից բարձր են, և դա վատ ցուցանիշ չէ: Նախարարը տնտեսական աճի համար կարևոր համարեց մի շարք գործոններ՝ առավելապես ընդգծելով ներդրումների կարևորությունը:
Տնտեսության ախտորոշման վերաբերյալ նախարարը նշեց, որ Հայաստանի տնտեսության ախտորոշումն է՝ «այնքան էլ վատ չէ»:
Նրա խոսքով՝ պետական կառավարման համակարգը պետք է արդյունավետ ծառայի հասարակության կարիքներին:
Մանրամասն՝ տեսանյութում:
