Անգլիական Լինքոլնշիրում Spalding Grammar School-ի ուսանող17-ամյա Ջեյկոբ Ֆորդը որոշել է իր ձևով շրջանցել «ծիծաղելի» կանոնը, որ ընդունել է ուսումնական հաստատությունը։ Տնօրինությունը ավագ դպրոցականներին արգելել է դպրոց գալ մեծ ուսապարկերով, որպեսզի դրանցով չվնասեն ցածր դասարանցիներին՝ գրում է life.ru-ն։
Տղայի խոսքով՝ այդ օրենքը դպրոցում գոյություն ունի արդեն 25 տարի, սակայն երբեք չի կիրառվել։ Այժմ տնօրինությունը որոշել է, որ ժամանակը եկել է։ Դպրոցականներին թույլատրվում է գալ դպրոց մեծ ուսապարկերով, սակայն չի թույլատրվում դրանք դասարան բերել։ Դպրոցականները վրդովված են․ նրանք արդեն ուսապարկեր գնել են և չեն ուզում նորից գումար ծախսել։
Այդ պատճառով էլ Ջեյկոբը որոշել է զվարճալի բողոքի ակցիա անցկացնել։ Նա սկսել է գրքերը բերել՝ տարօրինակ իրերի մեջ դրած՝ ընդհուպ մինչև հյուսած զամբյուղը և միկրոալիքային վառարանը, այդ պատճառով գյուտարար տղային հեռացրել են դասերից։
Բացի դրանից, դպրոցականը 3000 բառից բաղկացած էսսե է գրել, որտեղ հիմնավորում է, որ այդ օրենքը նյութական և առողջական տեսանկյունից վնասակար է, քանի որ ավագ դպրոցականները շատ գրքեր են բերում դպրոց, և ամենահարմարը ուսապարկում կրելն է այդ ծանրությունը։
Համացանցում ստորագրահավաք է սկսվել հարցի վերաբերյալ, որն արդեն 500 ստորագրություն է արձանագրել։
