Մենք մշտապես լսում ենք, որ լավ սեքսը կապված է այն բանի հետ, թե ինչ է կատարվում մեր գլխում և մեր սեփական երևակայությունը ազդում է մեր ցանկության վրա, – գրում է Յուլյա Հեյնեն Bild-ի էջերում։
«Երբեմն այնքան էլ հեշտ չէ «էրոտիկ ֆիլմ» միացնել գլխում. նախ ոչ բոլորն ունեն լավ երևակայություն, և հետո էլ՝ գլուխը կարող է այլ բաներով լցված լինել»,– ասվում է հոդվածում։ Այդ դեպքում, նշում է լրագրողը, կարելի է պոռնոֆիլմ դիտել կամ էրոտիկ գրականություն կարդալ։ Եվ այսպիսով. ի՞նչ դեր է խաղում երևակայությունը մեր սեռական կյանքում,– հարց է տալիս հոդվածագիրը։
Այս մասին Յուլյա Հայնեն խոսել է սեքսոլոգ Յելա Քրեմերի և սեքսի մասին իր սյունակը վարող Սոֆյա Անդրեսկիի հետ։
Յելա Քրեմերը խորհուրդ չի տալիս չափից դուրս նշանակություն տալ «գլխում կատարվող էրոտիկ ֆիլմերին»։ «Սեքսով կարելի է առանց երևակայության էլ զբաղվել։ Ես խորհուրդ չեմ տալիս սեքսի ժամանակ ընկնել երևակայության գիրկը. դա սեքսի ժամանակ զրկում է զույգին միասնականությունից»,– գտնում է նա։
Սոֆյա Անդրեսկիի համար, ընդհակառակը, ֆանտազիաները շատ մեծ դեր են խաղում։ «Մեր ուղեղն ամենագլխավոր էրոգեն գոտին է։ Մեր գլխում էրոտիկ ֆիլմն ուժեղացնում է զգայական պահերը»,– ասում է նա։
