Լոնդոնի ամենաթանկ շրջաններից մեկում բացվել է «գրկախառնությունների ակումբ», որի հիմնադիրներն են 37-ամյա Աննա Նաթան Շեկորին և 40-ամյա Թոմ Ֆորտես Մայերը` հաղորդում է The Daily Mail-ը:
Խմբակային սեանսներ կազմակերպելու գաղափարն Աննան հղացել է մոտ 2010 թ. սեմինարին, որտեղ նրան գրկել են մի խումբ անծանոթներ: Բրիտանուհին այնքան ուժեղ զգացումներ է ունեցել, որ որոշել է դրանցով կիսվել Լոնդոնի բնակիչների հետ:
«Ֆիզիկական նման մտերմության ժամանակ, ինչպիսին է գրկախառնությունը, տեղի է ունենում օքսիտոցինի կամ սիրային հորմոնի արտադրություն: Այս պատճառով մարդիկ սկսում են իրենց ավելի հարմարավետ զգալ իրենց իսկ մարմնում»,- ասել է նա:
Սենյակում կարելի է տեսնել խմբեր` բաղկացած երկու սեռերի ներկայացուցիչներից, որոնք գրկախառնվում են:
Սեմինարն ավարտվում է «զանգվածային գրկախառնություններով», դա նշանակում է, որ բոլոր մասնակիցները տեղավորվում են գետնին և գրկում են միմյանց: Պարապունքն արժե 29 ֆունտ սթեռլինգ (47 դոլար):
