Հունվարի 16-ին Հաագայում մեկնարկում է Լիբանանի նախկին վարչապետ Ռաֆիկ Հարիրիի սպանության գործով դատական գործընթացը: Ինչպես հաղորդում է ITAR-TASS-ը՝ վկայակոչելով Լիբանանի հարցերով ՄԱԿ-ի հատուկ տրիբունալը, խոսքով հանդես կգան դատախազը, ողբերգության զոհերի ներկայացուցիչները և ցանկության դեպքում մեղադրյալների պաշտապնները: Ենթադրվում է, որ գործընթացը կտևի չորս օր:
Գործում ներգրավված է չորս մեղադրյալ՝ Սելիմ Ջամալ Այաշ, Մուստաֆա Ամին Բադրեդին, Հուսեն Հասան Օնեյսին և Ասադ Հասան Սաբրան, որոնք «Հըզբոլլահ»-ի անդամներ են: Լիբանանի հարցերով ՄԱԿ-ի հատուկ տրիբունալը նրանց ձերբակալելու վճիռ է կայացրել, սակայն նրանցից ոչ մեկը չի ձերբակալվել և ինքնակամ չի հանձնվել, այդ պատճառով հատուկ տրիբունալը նրանց կդատի հեռակա կարգով: «Հըզբոլլահ» լիբանանյան շարժման առաջնորդ Հասան Նասրալլահը հերքում է բոլոր մեղադրանքները և համարում է, որ դատական գործընթացը քաղաքական դրդապատճառ ունի:
Լիբանանի նախագահ Միշել Սուլեյմանը հայտարարել է, որ այս դատական գործընթացը վերջ կդնի քաղաքական սպանություններին Լիբանանում:
Հիշեցնենք, որ Լիբանանի նախկին վարչապետը զոհվել է 2005թ. փետրվարի 14-ին Բեյրութում ռումբի պայթյունի հետևանքով:
