Իսպանացի դիզայներ Օսկար Վինիալսը ներկայացրել է «երկնային կետի» կոնցեպտ: Օդանավը դիզայնով կետ է հիշեցնում, այն եռահարկ է՝ նախատեսված երեք տարբեր դասերի տոմսեր ունեցող ուղևորների համար, կարող է տեղավորել 755 ուղևորի: Այս մասին հայտնում է The Daily Mail-ը:
Օդանավն ունի վիրտուալ իրականության պատուհաններ, որոնք թույլ չեն տա ուղևորներին ձանձրանալ երկարատև թռիչքների ժամանակ: Թևերի բացվածքը կազմում է 88 մ:
Այն խոստանում է հեղափոխություն անել ավիաուղևորության ապագայում, քանի որ վթարային վայրէջքի դեպքում մասնատվում է՝ նվազեցնելով մարդկային կորուստները:
Sky Whale-ն ավելի մեծ է, քան Airbus A380-ը: Օդանավը շարժիչներից բացի, կունենա թևերին տեղակայված արևային մարտկոցներ:
