Բևերլի Հիլզի ոստիկանությունը սկսել է հետաքննել հայտնի ռեփեր Քանյե Ուեսթի նկատմամբ գործը, որին մեղադրում են մարդ ծեծելու մեջ՝ հայտնում է Associated Press գործակալությունը:
Ոստիկանության սերժանտ Ջորջ Դեմարուայի խոսքով՝ վկաները ցուցմունք են տվել, որ Ուեսթը խառնված էր ծեծկռտուքի մեջ, որը տեղի էր ունեցել երկուշաբթի առավոտյան՝ Ուիլշիր ճեմուղու գրասենյակային շենքի մոտ:
Ռեփերի փաստաբանները հրաժարվել են մեկնաբանություններից:
Ինչպես գրում է Associated Press-ը, անցած տարի ռեփերին մեղադրանք էր առաջադրվել Լոս Անջելեսի միջազգային օդանավակայանում լուսանկարչի ծեծելու ու խոշոր գողության համար:
Ուեսթի փաստաբանների խոսքով՝ լուսանկարչին նա ծեծել է ինքնապաշտպանական նկատառումներով:
