Բենղազիում Լիբիայի ապստամբների ներկայացուցիչներն ամեն օր կապի մեջ են մտնում մայրաքաղաք Տրիպոլիում իրենց համախոհների հետ: Մայրաքաղաքը դեռ գտնվում է կառավարական ուժերի վերահսկողության տակ: Այդ կապն իրականացվում է Skype ինտերնետ հեռախոսակապ տրամադրող ծառայության միջոցով,- տեղեկացնում է BBC հեռուստաալիքը:
Բենղազիում ասում են, որ Տրիպոլիում կա առնվազն 100 մարդ՝ ունակ կազմակերպել այդ ապստամբությունը հենց երկրի սրտում: Նշվում է, որ այս խոսակցություններն անհասանելի են Լիբիայի հատուկ ծառայությունների համար, քանի որ իրենց կողմնակիցներից և ոչ մեկը չի ձերբակալվել:
Ինչպես նշում են ընդդիմադիր Ազգային խորհրդում, որը նաև ապստամբների կառավարության գործառույթն է ստանձնել, հարավից, արևելքից և արևմուտքից հարձակումը մայրաքաղաք Տրիպոլիի վրա պետք է ուղեկցվի ապստամբությամբ քաղաքի կենտրոնում: Այս ապստամբության ժամանակ ընդդիմադիրներն ակնկալում են նաև ոստիկանության և զինվորականների աջակցությունը։ «Շատ ոստիկաններ և զինվորականներ ասել են մեզ, որ իրենք այժմ Քադաֆիի հետ են, սակայն երբ գա ժամանակը, մեզ կմիանան»,- ասել է ընդդիմադիրներից մեկը: