The Times պարբերականի համար YouGov-ի անցկացրած նոր հարցման համաձայն՝ աշխարհի ամենահարուստ մարդը միաժամանակ նաև մոլորակի ամենահարգված մարդն է:
Microsoft-ի համահիմնադիր, միլիարդատեր և բարեգործ Բիլ Գեյթսը ստացել է ավելի շատ ճանաչում, քան Բարաք Օբաման, Վլադիմիր Պուտինն ու Հռոմի պապը, ովքեր համաշխարհային վարկանիշում համապատասխանաբար զբաղեցրել են 2-րդ, 3-րդ և 4-րդ տեղերը՝ հայտնում է The Times-ը:
Տվյալները ստացվել են Մեծ Բրիտանիայում, Ֆրանսիայում, Գերմանիայում, Ռուսաստանում, ԱՄՆ-ում, Ավստրալիայում, Պակիստանում, Ինդոնեզիայում, Հնդկաստանում, Չինաստանում, Եգիպտոսում, Նիգերիայում և Բրազիլիայում 14 հազար մարդու շրջանում անցկացված հարցման հիման վրա:
Տասնյակում են հայտնվել նաև Չինաստանի նախագահ Սի Ցզինպինը և ամերիկացի միլիարդատեր և բարերար Ուորեն Բաֆեթը:
