ԱՄՆ-ում օրենսդիրները պայմանավորվածություն են ձեռք բերել, որը թույլ կտա ֆինանսավորել ԱՄՆ կառավարության գործունեությունը մինչև սեպտեմբերի 30-ը, այսինքն՝ մինչև ընթացիկ ֆինանսական տարվա վերջ: Այս մասին հաղորդում է ITAR-TASS-ը՝ վկայակոչելով հատկացումների գծով սենատի կոմիտեի ներկայացուցիչ Բարբարա Միկուլսկիին: Սպասվում է, որ տվյալ օրինագծի վերաբերյալ Կոնգրեսում քվեարկություն տեղի կունենա այս շաբաթ:
Միկուլսկիի խոսքերով՝ «սուպերօրինագիծը» թույլ կտա վերանայել մի շարք դրույթներ, որոնցով նախատեսվում են կրճատել ռազմական թոշակները, ինչպես նաև որոշ ծախսեր՝ ի հաշիվ ներքին և ռազմական ծրագրերի ֆինանսավորման մեծացման:
Նա նշել է նաև, որ փաստաթղթում չկա այնպիսի կետ, որը կարգելափակի նախագահ Բարաք Օբամայի առաջ քաշած առողջապահական համակարգի բարեփոխումների իրականացումը՝ հաղորդում է ITAR-TASS-ը:
Ընդհանուր առմամբ «սուպերօրինագիծը», որը տեղի քաղաքական բառապաշարում հայտնի է «օմնիբուս» անվամբ, նախատեսում է դաշնային գերատեսչությունները ֆինանսավորել առնվազն մեկ տրիլիոն դոլարի չափով:
