Այսօր՝ հոկտեմբերի 2-ին, Ազգային ժողովում հայտարարությունների ժամին «Ելք» խմբակցության պատգամավոր Էդմոն Մարուքյանը հայտարարեց, որ «Ծառուկյան» խմբակցության պատգամավոր Գևորգ Պետրոսյանը 2 անգամ խախտել է պատգամավորի էթիկայի կանոնները:
«Ես հույս ունեմ, որ Գևորգ Պետրոսյանը հոդվածներ կարդալիս միայն վերնագրերը չի կարդում, ինչպես ֆեյսբուքյան որոշ օգտատերեր: Ինչո՞ւ է ոգևորվել Գևորգ Պետրոսյանը»,- նշեց Էդմոն Մարուքյանը և հավելեց, որ Գևորգ Պետրոսյանի առաջարկությունը կապված է վարչապետի կողմից պլանավորված նախագծի հետ առ այն, որ նա կարող է հրաժարական տալ և 2 անգամ վարչապետ չընտրվի, ու ԱԺ-ն իրավունքի ուժով կցրվի:
«Հիմա եթե էդքան դուխ ունես տենց բան ես առաջարկում, դուխ ունեցի, ասա՝ հա, դրա համար եմ առաջարկում: Ինչ լոլոներ եք էս ամբիոնից կարդում: Առաջարկում ես, հետո 46 հատ ինտերվյու տալիս, ասում՝ դրա հետ կապ չունի՞»,- Գևորգ Պետրոսյանին դիմեց Էդմոն Մարուքյանը:
Էդմոն Մարուքյանը ընդգծեց. «Եթե ես վարչապետի հետ խնդիր եմ ունենում, ասում եմ նրան՝ աչքերի մեջ նայելով: Ասել ենք՝ աջակցում ենք պառլամենտի ցրման գործընթացին, աջակցում ենք, խաղեր չենք տալիս»:
Մանրամասները՝ տեսանյութում:
