Բելառուսի նախագահ Ալեքսանդր Լուկաշենկոն ասել է, որ ԱՊՀ երկրների ղեկավարների գագաթնաժողովի շրջանակում ՌԴ առաջնորդ Վլադիմիր Պուտինի հետ քննարկել է Միութենական պետության սահմանների մոտ ՆԱՏՕ-ի գործողությունները, հաղորդում է «ՌԻԱ Նովոստի»-ն:
«Անվտանգության հարցը, կարելի է ասել, առանցքային էր գագաթնաժողովում: Բոլոր նախագահներն են այդ մասին խոսում: Անգամ մենք՝ հանգիստ Բելառուսը, միշտ ասում ենք այդ մասին, քանի որ հաշվի ենք առնում այն բոլոր վտանգներն ու մարտահրավերները, որոնցով հղի են մեր սահմանների մերձակայքում արևմտյան երկրների ու ՆԱՏՕ-ի գործողությունները»,- ասել է Լուկաշենկոն:
Լուկաշենկոյի խոսքով՝ անվտանգության ոլորտում մեծ նշանակություն ունեն նաև ռազմական գործոնները: Դրանք ևս Դուշանբեում քննարկումների առարկա են դարձել:
Լուկաշենկոն ընդգծել է, որ կարևոր են հատկապես Լեռնային Ղարաբաղի, Ուկրաինայի Արևելքի, Մերձդնեստրի գործոնները՝ դրանք «գորդյան հանգույցը» անվանելով:
