Չինաստանի Ֆիչժոու քաղաքային հիվանդանոց է դիմել մի տղամարդ, ով բողոքել է որովայնի ցավերից: Ինչպես ավելի ուշ պարզվել է՝ հիվանդության պատճառը ապակե շիշն ու մետաղալարն են եղել:
Daily Mail-i տվյալներով՝ բժիշկների հարցումներին տղամարդը պատասխանել է, որ առողջ է և իր հիվանդության պատճառների վերաբերյալ գաղափար անգամ չունի:
Բժիշկները, ռենտգեն հետազոտություն են արել և ցնցվել են՝ լուսանկարներում տղամարդու աղիքներում շիշ և մետաղալար հայտնաբերելով:
Այդ ժամանակ տղամարդը խոստովանել է, որ շիշը ինքնուրույն է տեղադրել հետանցքի մեջ, սակայն հետագայում չի կարողացել այն դուրս բերել: Սարսափահար եղած նա հիշել է ձկնորսական հմտությունների մասին և փորձել մետաղալարով դուրս հանել շիշը:
Նրա գործողությունների արդյունքում աղքիներում շշի հետ միասին հայտնվել է նաև մետաղալարը:
Վիրաբույժների ջանքերի շնորհիվ առարկաները տղամարդու մարմնից դուրս են բերվել: Սակայն դրանով խնդիրները չեն ավարտվել, քանի որ շիշն ու մետաղալարը վնասել են նրա աղիքները, և այժմ նա պետք է բուժման երկարատև կուրս անցնի:
